ঢাকা, শুক্রবার   ১৮ জুন ২০২১,   আষাঢ় ৪ ১৪২৮

শিল্প ও সাহিত্য ডেস্ক

প্রকাশিত: ২০:০৩, ৭ ফেব্রুয়ারি ২০২১

বিনেন্দু ভৌমিকের মজার ছড়া `তাইনও রাজি অনে`

মৌলভীবাজার সদর ২৫০ সহ্যা বিশিষ্ট হাসপাতালের সহকারি পরিচালক বিনেন্দু ভৌমিক করোনার টিকাদান কর্মসূচিকে ঘিরে লিখেছেন সুন্দর একটি আঞ্চলিক ছড়া। আঞ্চলিক শব্দের উপমায় লেখা এই ছড়ায় সাম্প্রতিক সময়ে করোনার টিকা সংক্রান্ত বিষয়গুলো তোলে ধরেছেন। হুবুহু ছড়াটি আইনিউজের পাঠকদের জন্য নিচে দেয়া হল-  

রেজিস্ট্রেশন অইগেছেগি, এসএমএসও আইছে,

মহসিনে আওয়াজ দিছে, হে-ও বুলে পাইছে,

আমি কইলাম, 'দিলাও তাইলে করোনার ওউ টিকা',

ওউ কথায় নু জোয়ান বেটা অই গেলো চামচিকা!

কাচমাচু অইয়া হে কয় 'কিতা যে কইন দাদা?

দিলাইলাম নে, ঘরো আফনার বইনে দিরা বাধা'।

কইয়া দিছইন, 'দুয়েকটা দিন দেইখ্যা দিয়ো, নানি?

ঘরেবাইরে হক্লে দেখি কররা কানাকানি,

পড়ি নি যায় দেইক্কো আবার এখট্টা উইকেট!',

হারা দিনৌ অতা মাতরা, চালাইরা ক্যাটক্যাট।

আমি কুদাই, 'কিতা কও বা, ওউ নু দিছি আমি,

ওউ নু দেখো দিয়া যাইরা পাশোর বাসার মামী।

এমপি, ডিসি, টিএনও আর, মেয়রেও দেরা,

কিতার লাগি ডরাও রে বা, লাগাও ক্যারাবেরা?'

এরপরে কয় 'চলইন দাদা, দিলাই তাইলে আইজ,

ঘরো গেলে বইনে আফনার চালাইবা নাও-বাইছ!'

ঘন্টাখানেক পরে আবার লাগাই দিছে ফোন,

আমি কইলাম, 'চলের নি বা নর্তন-কুর্দন?'

কইলো দাদা, 'অতক্ষণ তো করছইন অবজারভ,

বালা করি পরখ করছইন, দেখছইন হাবভাব।

দেখইন কুন্তা ঘটের না, আর, ডরোর কিচ্ছু নাই,

আন্দাগুন্দা ভাবছিলা আর ডরাইছলা হুদাই।

তে, কিতা কই দাদা, হুনইন, কাইল বা পরশু তনে—

বইনরে আফনার দিলাইনজানু, তাইনও রাজি অনে।'

Green Tea
সর্বশেষ
জনপ্রিয়